Nus lein parter il liug da nossa famiglia cun autras persunas. Quei po reussier sch’il project corrispunda a nossas ideas da valurs. Perquei havein nus definiu las suandontas cundiziuns sco punct da partenza:
- Fuorma giuridica = societad (cooperativa) per la construcziun da casas/habitaziuns
- Surdada dil schischom en dretg da construcziun
- Preinvestiziuns dalla famiglia Bundi che meinan alla realisaziun dalla cooperativa vegnan restitui suenter la fundaziun dalla cooperativa da gest quella.
- Las affitadr*as actualas duein puder viver vinavon el liug sche quei ei lur giavisch. Dretg da habitar per singuls commembers dalla fimiglia Bundi.
- La cooperativa s’oblighescha da cultivar il curtgin e sia pumera a moda persistenta e da racoltar ils fretgs.
- La cooperativa definescha explicitamein en sias satutas ch’ella astga buc construir, posseder ni promover habitaziuns secundaras.
- Ina part dallas unitads da habitar sto esser cumpletamein senza barrieras.
- Dalla substanza architectonica existenta duei aschi bia sco pusseivel vegnir manteniu ni reutilisau.
Il project s’orientescha vid aults standards da durabilitad che duein buca opponer in a l’auter. A nus ein ils suandonts principis impurtonts:
Dimensiun sociala
- Diversitad dallas conhabitont*as (gender, vegliadetgna, classa, derivonza, etc.)
- Parter localitads communablas (luvratori, studio per hosps, etc.).
- Far ina part dallas lavurs da construcziun en atgna prestaziun.
Dimensiun ecologica
- Fastitgs ecologics bass tier la construcziun ed igl habitar
- Negin diever d’energias fossilas per habitar els edifecis dalla cooperativa
- Cuminonza da habitar cun paucs autos (carsharing intern, e-bikes, etc.)
Dimensiun regiunala
- Trer a nez materials, savida dil fatg e forzas da lavur ord la regiun.
- Risguardar las atgnadads regiunalas (cultura da baghegiar, lungatg, etc.).
- Il project duei haver in effect regiunal (project-muossavia).
Dimensiun estetica
- Aultas spetgas all’architectura
- L’architectura cuntegn diversas zonas d’inscunter (bargia, lautgas, etc.).
- L’architectura porscha spazi da viver a differents basegns da habitar (persunas singulas, famiglias, WG’s, clusters, etc.).
- Integraziun el maletg dil vitg