Nus envidein cordialmein al proxim luvratori ils 8 da zercladur 2023. Las informaziuns detagliadas anflas ti el Flyer.
Luvratori “Nus societari*as“
Actual
RTR: Cooperativa d’abitar a Sagogn
Nus lein porscher spazi da viver che la glieud sa aunc seprestar.
Martin Bundi ella contribuziun da Telesguard dils 13-06-2023.
Invit al luvratori «fundar ina cooperativa»
Ussa daventi concret! Nus prendein a mauns la fundaziun dalla Cooperativa Encarden. Ell’aschunta anflas ti igl invit al luvratori «fundar ina cooperativa» ils 29 d’avrel 2023 a Sagogn. Vul ti habitar ella Casa Encarden ni promover il project cun tias cumpetenzas? Lu selegrein nus da tia annunzia. En cass che ti sas buca vegnir al luvratori, astgas ti bugen separticipar la proxima ga.
Protocol fotografic II
Il protocol fotografic dil luvratori dil vitg ei accessibels ussa silla pagina dalla Scola aulta spezialisada dil Grischun. Nus giavischein buna lectura.
10-12-2022 – protocol fotografic SAS Grischun II: «luvratori dil vitg»
Uatga a Sagogn
Per la WOZ ei Ayse Turcan sefatschentada culla problematica dallas habitaziuns secundaras el Grischun. Sias retschercas han era menau ella al luvratori dil vitg dalla Cooperativa Encarden a Sagogn. Igl artechel fa attent sillas grondas sfidas ch’il parlament ha scaffiu culla maligna legalisaziun dalla lescha da habitaziuns secundaras. Turcan muossa denton era co che differentas iniziativas civilas fruntan a quella politica da planisaziun che ha fatg naufragi.
Bund und Kantone würden es sich zu einfach machen, wenn sie die gesamte Verantwortung auf die Gemeinden schöben. Denn diesen fehlten die nötigen Ressourcen für genaue Kontrollen der Nutzung der Wohnungen.
Raphael Egli – Sagogn
Ausverkauf in der Surselva – von Ayse Turcan
Protocol fotografic I
Informaziuns detagliadas davart il project da perscrutaziun Cooperativa Encarden sesanflan silla pagina dalla Scola aulta spezialisada dil Grischun. In instrument impurtont dalla metoda da participaziun ein ils aschi numnai protocols fotografics che documenteschan cuntinuadamein il process dil project.
Igl emprem protocol fotografic ei ussa accessibels ella reit. El cuntegn era las folias dils referats all’occurrenza d’informaziun a Cuera ils 12 da november 2022. Nus giavischein bien divertiment culla lectura.
12-11-2022 – protocol fotografic SAS Grischun I: Kickoff ed occurrenza d’informaziun
- Kickoff «Cooperativa Encarden»
- Occurrenza d’informaziun «Cooperativa Encarden»
Ils resultats dil luvratori dil vitg dils 10 da december 2022 a Sagogn vegnan actualmein elaborai e beingleiti publicai en quei liug.