Ils commembers da nossa famiglia han tuts ina differenta relaziun culla casa paterna. Nossas regurdientschas sveglian emoziuns individualas ch’ein era colligiadas cun giavischs pil futur.
Nus giavischein per exempel ina sort studio per hosps che po vegnir duvraus da tuttas partidas dalla cooperativa cura ch’ellas han visetas. Ina tala stanza possibilitass a nus da mantener la Casa Encarden sco liug d’inscunter dalla famiglia. Ultra schain ils suandonts puncts a cor a nus:
- La collaboraziun cugl architect Jan Berni vegn cuntinuada.
- Sche pusseivel lein nus integrar localitads per mistregn ni commerzi el project.
- Las pegnas scalegl vegnan sche pusseivel integradas ella nova architectura.
- Aschi biaras lavurs da construcziun sco pusseivel vegnan fatgas en atgna prestaziun.
- Las commembr*as dalla cooperativa partan parzialmein localitads ni vehichels (e-mobilitad) in cun l’auter.
- La cooperativa ei sensibilisada per la situaziun dil romontsch ed organisescha sias structuras internas ed externas aschia ch’ellas han in effect positiv pil lungatg minoritar.